የቦሌ ክፍለ ከተማ ደንብ ማስከበር ጽ/ቤት

የቦሌ ክፍለ ከተማ ደንብ ማስከበር ጽ/ቤት ሃላፊ — መልዕክት ከአቶ ቸሩ ጌታቸው

የደንብ ማስከበር ባለስልጣን በአዲስ አበባ ከተማ አስተዳደር ከማዕከል እስከ ወረዳ በአዋጅ ቁጥር 37/2005 እና በደንብ ቁጥር /2005 በድጋሚ ከተቋቋመ 2005 ዓ.ም በኋላ ተቋሙ አረጃግሮቱን በሰው ሃይል በግብዓቶች እና በአሰራር ከግዜ ወደ ግዜ እያሳደገ የመጣ ሲሁን እንዲያስፈፅም በአዋጅ በሃላፊነት የተሰጡትን በከተማው ውስጥ የሚስተዋሉ የደንብ ጥሰቶችን ስርዓት በማስያዝ በኩልም ከፍተኛ ለውጥ በማስመዝገብ ላይ የሚገኝ ተቋም ነው። ከዚህ አንጻር የቦሌ ክፍለ ከተማ ደንብ ማስከበር ጽ/ቤቱም በተመሳሳይ ለተቋሙ በአዋጅ ደንብ መመሪያ እንዲተገበር በተሰጠው ተግባርና ሃላፊነት መሰረት በክፍለ ከተማችን በሚስተዋሉ የደንብ ጥሰቶች ላይ የሚያደርገውን የመከላከል መቆጣጠር እና እርምጃ አወሳሰድ ስራ ከጊዜ ወደ ጊዜ አጠናክሮ በመቀጠል የደንብ መተላለፍ ድርጊቶችን ስርዓት በማስያዝ በኩል ውጤታም ስራ ተሰርቷል። ለማሳያ ያክልም ከዓመታት በፊት በክፍለ ከተማችን በመሬት ወረራ እና ማስፋፋት በስፋት ይስተዋሉ የነበረው የደንብ ጥሰት አሁን ላይ በቅድመ መከላከል ስራ መቆጣጠር የተቻለበት ሁኔታ ሲኖር ከህገወጥ የጎዳና ላይ ንግድ አንጻር በመገናኛ ቦሌ ብራስ ጉርድ ሾላ እና ጎሮ አካባቢዎች በወንጀልና የትራፊክ አደጋ መንስኤ በሆነ አኳኋን በስፋት ይስተዋል የነበረውን ችግር መቅረፍና ስርዓት ማስያዝ የተቻለበትን የአሰራር አቅም መፍጠር የተቻለ ሲሆን ሌሎች የደንብ ጥሰቶችን በከፍተኛ ሁኔታ በመቀነስ ስርዓት የማስያዝ ስራ በመስራት ላይ የምንገኝ ሲሆን በየ ዓመቱ እንደ ጽ/ቤትና በሁሉም ወረዳ የደንብ ጥሰትን በመከላከል መቆጣጠርና እርምጃ በመውሰድ በተሰራው የተቀናጀ ጠንካራ ስራ የደንብ ጥሰት ምጣኔን በዓመቱ በ25% ለመቀነስ የተያዘውን እቅድ በከፍተኛ ሁኔታ በማሻሻል ከ50% በላይ በመቀነስ ውጤታማ ስራ በመስራት ላይ እንገኛለን። ለዚህም የጽ/ቤታችንን ባለሞያዎች በጽ/ቤታችን ስር ያሉ የወረዳ አመራሮችና አጠቃላይ ባለሙያዎች የባለስልጣን መ/ቤቱ የበላይ አመራሮች እና ዳይሬክተሮች የክፍለ ከተማችን አስተባባሪ አመራሮች ባለድርሻ አካላት እንዲሁም የክፍለ ከተማችን ነዋሪ ህብረተሰብ እያደረገልን ያለውን ድጋፍ አጠናክሮ እዲቀጥልና እስካሁን ለነበረው ከፍተኛ እገዛ በዚህ አጋጣሜ በራሴና በጽ/ቤቱ ስም ምስጋናዬን በአክብሮት እያቀረብኩ በቀጣይም ክፍተቶችን በማረምና ጥንካሬዎቻችንን አጠናክሮ ለማስቀጠል ጽ/ቤታችን በሚያደርገው ጥረት ድጋፋችሁ እንዳይለየን መልዕክቴን አስተላልፋለሁ። የደንብ ጥሰትን በጋራ እንከላከላለን!!!

የበለጠ ያንብቡ

— አቶ ቸሩ ጌታቸው፣ የቦሌ ክፍለ ከተማ ደንብ ማስከበር ጽ/ቤት ኃላፊ